ابداعات كابتن كريم خلال الحظر.

شلون ديكضون كباتن كريم وقت حظر التجول بالبيت؟

كباتننا همة جزء كلش مهم من عائلتنا ودائما نحرص حتى نكون وياهم بكل الظروف ونعرف اخبارهم، هذه الفترة هي أكثر فترة ابتعدوا بيها الكباتن عن عملهم، واللي كانوا يكضون أكثر من نص يومهم بي، هسة صار عدهم وقت هواية ديكضوا وي عوائلهم ووقت فراغ هواية، واحنة وصيناهم يبقون بالبيت خلال فترة حظر التجول، فشلون ديكضون هذا الوقت؟

صار عدنا فضول حتى نعرف هذا الشي وحبينا نسألهم وايضا كلنا نتطمن عليهم بنفس الوقت، فااتصلنا بيهم وكانت مكالمتنا وياهم كالتالي:
مرحبا كابتن، شلونك وشلون صحتك ان شاء الله انت والاهل بخير؟
اني زين الحمدلله، انتوا شلونكم؟

احنة بخير اذا انت بخير كابتن، حبينا نتطمن عليك، سولفلنا شلون دتكضي يومك وي الاهل وشدتسوي بوقت فراغك؟
والله اني كاضي يومي العب وي اطفالي لو ازرع بحديقة البيت وكمت اطور موهبتي بالرسم بهذه الفترة.
ومن خلال هذه المكالمات اتفاجئنا كلش هواية بمواهب الكباتن وما اكتفينا بالمكالمات سألنا كباتننا بصفحة كابتن كريم العراق بالفيس بوك واكتشفنا شغلات كلش حلوة وهواية مواهب ديكضوون بيها يومهم
مثل موهبة كابتن عمر بالرسم اللي رسم صورة الفنان كاظم الساهر هذه

وكابتن غسان جانت رسمته كلش حلوة ودقيقة وكابتن عبدالرحمن وكابتن براء وكابتن عبدو وغيرهم من كباتنا المبدعين اللي ما اقتصر رسمهم على الورق وبس! ايضا فنانين بالرسم على الحائط.

كباتنا ما اكتفوا بالرسم وبس، اكو مواهب اخرى لازم نذكرهه!
كابتن علي، اللي سوة مجسم لسيارة كريم

كابتن كرار اللي عندة موهبة كلش حلوة بتصميم سقوف المنازل، صارله واهس يسوي هذا السقف الحلو!

كابتن محسن وموهبة العزف، وهواية مواهب بعد كلش حلوة وخلتنا فخورين أكثر بكباتننا.
زين هسة لازم نعرف شديسوون بعد الكباتن بهذه الفترة، اكو كباتن بعدهم ساكتين مديكولولنا شديسوون، ليش ساكتين؟
شلون راح نعرف؟
كلنا خلي هم نسألهم وكلنالهم كابتن شلون دتكضي يومك؟
وكابتن خليل اختصر يومة بتعليق وكال: (مسوي برنامج للوقت ومستمتع بكل الوقت. اشتركت بدورة تنمية بشرية واتابع أمور البيت واشارك بها بكل محبه. اتفرج فلم واحد باليوم. اتفرج تلفزيون ساعتين متقطعة.. تعلمت اعزف بيانو. اكتب شعر.. رتبت الحديقة بتصميم جديد.. الحمد الله ما عندي وقت فراغ. والأهم من كل ما ذكرت الجلوس مع العائلة والأولاد كنز لا يقدر.. كانت مشاغل الحياة ماخذه منه هل اوقات الجميلة.. السعادة أن تعيش وتستمتع بكل لحظة تمر بها فأنت تملكها وانت من تصنعها… دعواتي للجميع بقضاء أوقات جميلة بصحة وسلام)
وكانت إجابات الكباتن تقريبا نفس كابتن خليل، بعضهم يكضي يومه يتفرج افلام وبعضهم يكتب شعر ويقرأ الكتب وبين كل هذه السوالف الكباتن مناسين سياراتهم اللي هي مثل بيتهم الثاني، حتى بهذه الايام همة معتنين بيها بأحسن شكل ويكولون احنة نغسلها يومية ونداريها حتى اذا ما نطلع بيها وفرحانين وهمة يشاركون صور سياراتهم ويانة.

بس بعض الكباتن كالوا ديبقى عدنا وقت فراغ لو كاضيها نوم لو مدنعرف شنسوي، فقررنا نحفزهم حتى يتنشطون.
سولفنا وياهم بالرياضيات والحزورات ونزلنا تمارين رياضية بسيطة وكلنا للكابتن يجربها حتى يبقى نشيط بالبيت وهم شفنا هواية من كباتننا همة اصلا رياضيين وكلش يحبون الرياضة وديكضوون يومهم بيها وديتمرنون ببيوتهم وهم كانوا ديشاركون صورهم ويانة.
ولازم بالاخير نذكركم احنة وياكم بالحلوة وبالمرة واكيد راح نعبر هذه الازمة سوية 💚