خمس طرق لتعبئة رصيدك وية كريم

بعصر التكنولوجيا صارت اكو بدائل لهواية من الشغلات اللي ممكن تساعدنا وتسهل علينا حياتنا بكافة المجالات، و من أهم التطورات اللي طرأت بوقتنا الحالي واللي بلشت تصير جزء لا يتجزأ من تعاملاتنا اليومية بالحياة ومصدر خدمة يوفر سهولة وراحة للمستخدم هي قلة الحاجة للدفع الكاش واستبدالها برصيد إلكتروني محمي وسهل انك تشيله وياك بكميات كبيرة وين ما تريد وبكل بساطة تستخدمه بوقت حاجتك، هذا يتم عن طريق بطاقات الدفع الإلكترونية مثل أن تشتري منتج معين من خلال موقع إلكتروني على شبكة الانترنت أو ان تسحب بي مبلغ كاش من أجهزة الصرافة أو حتى أن تستخدمه بتطبيقات الموبايل المختلفة .

من اهم مميزات تطبيق كريم اللي هو وجود محفظة Careem Pay 💰 واللي توفر سهولة للزبائن بدفع مبلغ أي رحلة عن طريق خزن أي مبلغ مالي داخل التطبيق كرصيد الكتروني تكدر تستهلكه برحلاتك بدون ما تحير بالصرافة أو بجزدانك اذا طلعت ونسيته! يعني موبايلك بأيدك وحدة كافي حتى تتنقل بكل مكان بسهولة وراحة بال.

السؤال هو شلون تعبي محفظة Careem Pay؟

بسيطة! خمس طرق تسهل عليك عملية التعبئة:
1. عن طريق الكابتن: بعد ما تنتهي رحلتك تكدر تدفع للكابتن مبلغ كاش اكثر من سعر الرحلة والباقي رح يتعبأ كرصيد بمحفظة Careem Pay حتى تستفيد منه برحلتك الجاية ويانا .
2. البطاقات الائتمانية: تكدر تربط بطاقتك الائتمانية وية حساب كريم الخاص بيك وتختار المبلغ اللي تريد تشحن بي رصيد حسابك .
3. نقاط مكافآت كريم: كل رحلة تحجزها ويانا تحصل عليها نقاط تنضاف لحسابك تكدر تستهلكها بعدة طرق من خلال برنامج المكافآت ومن ضمنها انك تحولها لرصيد بحساب كريم .
4. تحويل الرصيد: واذا كل الطرق اللي ذكرناها ما كانت متاحة الك بس صديقك الله فاتحها بوجهه ومسهلها عليه! تكدر تطلب منه يحول الك مبلغ الرصيد اللي تحتاجه لحسابك! وبعدين تحاسب ويا على الدين الي يطلبكياه .
5. بطاقات تعبئة رصيد كريم: واللي تكدر تشتريها من عدة اماكن:

نقاط بيع كُشك، واللي تكدر تعرف مواقعها بالعراق من هنا
محفظة آسيا حوالة
محفظة زين كاش
أو من خلال الكابتن، اثناء رحلتك وية الكابتن تكدر تساله اذا تتوفر عنده “بطاقات تعبئة رصيد كريم” وبكل سهولة تكدر تشتري منه الفئة اللي تناسب احتياجاتك وبالعدد الي تريده وتعبي بيها رصيد محفظة Careem Pay

هسه اكيد عندك سؤال ثاني واللي هو……….. اذا اشتريت “بطاقات تعبئة رصيد كريم” شلون راح تكدر تستخدمها؟

هم كلش بسيطة بس شوف الخطوات:
1- من القائمة الرئيسية اضغط على “Careem Pay”
2- بعدها اختار “أضف رصيد”
3- دوس على “قسيمة شراء” واكتب رقم بطاقة التعبئة الي عندك ودوس “تفعيل”

وبكل بساطة بعد ما راح تشيل هم لرحلاتك وشلون تدفع مبلغ أي رحلة 💚