ماكو شحن بتلفونك؟ اكو عداد كريم بالشارع!

أشر بيدك، كريم يفيدك.👋

شنو هو عداد كريم؟
تخيل نفسك انت طالع وماعندك انترنت وتريد وسيلة نقل مريحة تروح بيها للمكان اللي يعجبك، أو تخيل شحن تلفونك خلص وعندك مشوار ضروري، أو احتمال انتي طالعه للمول ولازم ترجعين للبيت بس محتاجة وسيلة نقل سهلة وآمنة وموثوقة وما راح تكدرين تطلبين رحلة من خلال التطبيق.
احنة لكينة الحل لكل هذه الظروف، يعني بعد لاتحير ابد.. سهلنا عليك مشاويرك!
حاليا كل سيارة كريم من فئة الـتكسي بالشارع صار تكدر تحجزها بمجرد ان تأشرلها، يعني الكابتن على بعد خطوة منك واقربلك مما تتخيل وماراح تدوخ بعملة، كله محسوب وعلى العداد!

شلون تحجز رحلتك ويه عداد كريم؟ كلش سهلة.
انت وطالع دور على سيارات كريم من فئة الـتكسي بالشارع، اتأكد من وجود علامات كريم على السيارة قبل ما تأشر للكابتن.
اتأكدت؟ يلا أشر للكابتن واصعد ويا وبلغة بمكان وصولك
لا تنسى تتفق وية الكابتن ان تكون أجرة الرحلة على عداد كريم حتى لا تدوخ بالعملة وتصعد بالك مرتاح
واكيد راح يوصلك الكابتن وين ماتحب، شوكت ما تحب وبالكروة المضبوطة بلا عملة ولا دوخة!

شنو الاسباب اللي تخليك تستخدم عداد كريم؟
الأمان: رحلتك راح تكون خارج التطبيق لكن كل كباتنّا مسجلين ومدققين أمنياً، فلا تشيل هم انت ماخذ رحلتك ومأمن على نفسك و عائلتك، يعني بعد تكضي مشوارك وي كابتن كريم وانت مرتاح و متطمن، وبحال واجهت اي مشكلة تكدر تبلغنا وراح نساعدك قدر الامكان.
الثقة: مريح بالك من عملة الاجرة وواثق لان اجرتك راح تكون نفس أجرة فئة التكسي بالتطبيق، يعني كل متر وثانية محسوبة وتفاصيل الاسعار كاملة تكدر تلكيها من قسم المساعدة بداخل التطبيق. كل اللي لازم تسوي تصعد وي الكابتن وتكلة يخلي رحلتك على العداد، وراح تكمل مشوارك وانت واثق لان اكيد ماراح يضيع حقك يمنة ونضمن الك حقك وحق الكابتن.
الراحة: رحلتك مريحة ويانه لان الكابتن اقرب الك من ماتتصور!
انت مرتاح لان راح تكون سيارة الكابتن كلش قريبة عليك، ويجوز تلكيهه بسرة مخصوص لكريم بباب المول او الجامعة!
وكل سيارات كباتنا خاضعة لشروط التطبيق، يعني انت متطمن ومتأكد سيارة الكابتن مريحة وما تشيل هم الحر بالصيف او البرد بالشتة، والكابتن راح يوصلك للمكان اللي انت تحدده بسرعة لان كل كباتنا يكدرون يلكون الطرق المختصرة واللي توصلك بسرعة عن طريق الـ GPS، كمل مشوارك وأنت خلصان من هم الازدحام.

شغلات لازم تعرفها عن عداد كريم:

السيارات المتوفرة لعداد كريم من فئة التكسي فقط و راح تلكي علامات كريم مالية السيارة ملي🤩 بس اشر للكابتن وكله انو يفتح العداد و نوصلك وين ما تحب.
أجرة الرحلة على حسب تسعيرة فئة التكسي في حال اختيار الرحلة على عداد كريم، وما راح تكدر تدفع اجرتك من محفظة كريم PAY أو من خلال بطاقتك الائتمانية، تكدر تدفعها كاش للكابتن فقط.
الرحلة ما راح تطلعلك بحسابك بكريم بس في حال طلبتها من خلال التطبيق، لكن في حال واجهت أي مشكلة تكدر تبلغنا حتى نمنع المشكلة من التكرار بالمرات الجاية.
كباتنا راح يوصلوك للمناطق اللي من ضمن خدمتنا فقط، وما متوفرة حاليا خدمة التوصيل بين المدن ضمن فئة عداد كريم.
البروموكودات والباقات غير فعالة برحلاتك اللي تكون من خلال عداد كريم، وما راح تكدر تضيف باقي لمحفظة Careem PAY.

كباتنا ثقة وامان وراح يوصلوك لكل مكان💚.
يلا أخذ رحلتك وي عداد كريم وماراح تشوف نفسك الا واصل، كباتنا ثقة وامان وراح يوصلوك لكل مكان!